पंतप्रधान नरेंद्र मोदी यांच्या आई हिराबेन मोदी यांचं निधन झालं आहे. वयाच्या 100 व्या वर्षी त्यांनी अखेरचा श्वास घेतला. गेल्या काही दिवसांपासून हिराबेन यांच्यावर यू.एन. मेहता रुग्णालयात उपचार सुरु होते. आज पहाटे साडेतीन वाजता उपचारा दरम्यान हिराबेन मोदी यांचे निधन झाले.
पंतप्रधान नरेंद्र मोदी यांच्या आई हिराबेन यांच्या प्रकृतीत सुधारणा होत होती. हीराबेन यांच्यावर अहमदाबादमधील यूएन मेहता रुग्णालयात उपचार सुरु होते. त्यांना विशेष प्रभागात ठेवण्यात आले. त्यांच्या प्रकृतीत सुधारणा होत असल्याचे रुग्णालयाकडून गुरुवारी निवेदन देण्यात आले होते. मात्र शुक्रवारी पहाटे त्यांनी जगाचा निरोप घेतला.
गुजरात सरकारच्या सीएम ऑफिसने जारी केलेल्या संदेशात हीराबेन यांची प्रकृती आता पूर्वीपेक्षा बरी असल्याचे म्हटले होते. त्यांना खाण्यासाठी द्रव पदार्थ दिले जात. उच्च रक्तदाबामुळे हीराबेन यांना रुग्णालयात दाखल करावे लागले. श्वास घेण्याच्या त्रासासोबतच त्यांना अशक्तपणाचीही तक्रार होती. डॉक्टरांचे पथक 24 तास त्यांच्या प्रकृतीवर लक्ष ठेवून होते. पुढील काही तासांत त्यांची प्रकृती पूर्वीपेक्षा चांगली होईल, अशी आशा असताना त्यांनी 30 डिसेंबर रोजी निरोप घेतला.
आईला भेटण्यासाठी पंतप्रधान मोदी रुग्णालयात
पी एम मोदींनी दोन दिवसाआधी रुग्णालयात जाऊन आईच्या प्रकृतीची विचारपूस केली. काँग्रेस नेते राहुल गांधी आणि प्रियांका गांधी वड्रा यांच्यासह अनेक विरोधी नेत्यांनीही हिराबेन लवकर बरे होण्यासाठी शुभेच्छा दिल्या होत्या..
सपा नेते अखिलेश यादव यांनीही पंतप्रधान मोदींच्या आई हीराबेन यांच्या लवकरात लवकर बरे होण्याच्या शुभेच्छा देताना आदरणीय हीराबेन मोदी जी लवकरात लवकर बरी अशा शुभेच्छा दिल्या. मात्र, प्रकृती खालावली आणि त्यांचे निधन झाले.
हीराबेन मोदी गुजरातच्या मोध घांची (तेली) समुदायाशी संबंधित आहेत, ज्यांना भारत सरकारने इतर मागासवर्ग (OBC) म्हणून वर्गीकृत केले आहे. त्यांचे पती दामोदरदास मुलचंद मोदी हे चहा विकणारे होते.
तिला पाच मुलगे आहेत- सोमा मोदी (आरोग्य विभागातून निवृत्त अधिकारी), पंकज मोदी (गुजरात सरकारच्या माहिती विभागातील लिपिक), अमृत मोदी (निवृत्त लेथ मशीन ऑपरेटर), प्रल्हाद मोदी (दुकान मालक) आणि नरेंद्र मोदी. (भारताचे पंतप्रधान).
पंतप्रधान मोदी असा परिवार आहे
हिराबेन यांच्या अंत्यसंस्काराचे वेळी पंतप्रधान मोदीनी आपल्या आईच्या पार्थिवास खांदा दिला..
_______________________________________________
लोकसंदेश न्यूज मीडिया प्रायव्हेट लिमिटेड मुंबई सांगली .
